SABI PIDGIN NAIJA LIKE
SAY YOU BE PRO
Them design this website for people wey want sabi or wey want learn the pidgin language
SEE WETIN WE GET AND SEE WETIN WE FIT DO
FOR YOU
WETIN BE PIDGIN NAIJA?
This na language for Nigeria wey simple pass because na everybody de speak-am. Whether you go school or you no go school and whether you be rich person or you be poor person. Because Nigeria get plenty-plenty language, na pidgin language everybody de hear and na im de connect people together.
Words wey dey this language come from simple-simple words for English and them still take some words from the three main language for Nigeria wey be Yoruba, Hausa and Igbo.
No be only Nigeria people de speak pidgin. Some other countries wey dey Africa still de speak Pidgin like Cameroon, Ghana, Sierra Leone etc. Even though say the pidgin wey this countries de speak different small from Naija own, na still Pidgin them be.
Because of the way Pidgin de grow, plenty people from different-different country don de speak pidgin. The reason na say plenty people don de travel go other countries pass the way them bin de travel before and as them de travel, them de carry Pidgin from their country go the country wey them de live now. Even some Oyibo people don de learn pidgin and sabi-am like say tomorrow no dey.
WHY PIDGIN DEY IMPORTANT AND WHY YOU
SUPPOSE LEARN-AM
E dey easy to learn: Because pidgin de use simple words and grammar, this one make Pidgin be one language wey dey easy to learn. Anybody fit sabi-am. Pidgin dey easy.
E de join people together: As we don talk before, because Nigeria and other countries for Africa get different-different tribe, na Pidgin de join people together and na one language wey everybody de use understand each other no matter where them come from. E no de just connect people from the same country, e still de connect people from different countries.
E de help people for business to buy and sell: Na pidgin people de use for market to buy and sell wetin them want whether their business big or e small. Even people wey de work for government de speak pidgin.
People de use-am for school: Some schools don de use Pidgin to teach people wey no sabi plenty English. This one de make students de put mind for wetin them de learn because them no de use big-big word teach them.
People de use Pidgin enjoy theirself for radio, TV and for internet: People don sing plenty song for pidgin and even act film for pidgin. So if you sabi speak pidgin, you go fit enjoy all this things. We still get TV and radio station wey them de speak only pidgin and plenty things about Pidgin dey for internet.
People de use Pidgin for their worship: People don de use Pidgin now to worship God like the Jehovah Witness People. This one even show say God self want-am make we de speak Pidgin.
Now wey you don see see say you get plenty reason why you suppose learn pidgin, abeg send us message quick-quick make we help you learn-am!
HOW WE FIT HELP YOU
OUR SAMPLE
THE HARE AND THE TORTISE
Long time ago, for one big fine forest, e get one animal wey them de call Hare. Hare too de like show imself and de use other animals do yeye because e sabi run well-well. E de always talk say no other animal fit run pass-am. Anytime wey them do running competition, na Hare de always win.